दर्पण दिनानिमित्त आ.बाबासाहेब पाटील यांच्या हस्ते पत्रकारांचा सत्कार
चाकूर-अहमदपूर तालुक्यातील पत्रकारांचा सन्मान
मुख्य संपादक-सुनिल जाधव सेवा न्यूज चाकूर, (लातुर) मो-9766553995
आमदार बाबासाहेब पाटील यांच्या हस्ते दर्पण दिनानिमित्त पत्रकारांचा सत्कार….
अहमदपूर तालुक्यातील शिरुर ताजबंद येथील स्वामी विवेकानंद महाविद्यालयात जाधव-पाटील परिवाराच्या वतीने आयोजित केलेल्या दर्पण दिनानिमित्त चाकूर-अहमदपूर तालुक्यातील सर्व पत्रकारांचा सत्कार सोहळा पार पडला.लेखणी,डायरी व पुष्पगुच्छ देऊन प्रत्येक पत्रकार बांधवाचे यथोचित सत्कार करण्यात आले.
या कार्यक्रमाच्या अध्यक्षस्थानी चाकूर-अहमदपूर विधानसभेचे कार्यसम्राट आमदार बाबासाहेब पाटील हे होते तर प्रमुख पाहुणे म्हणून भाजपा प्रदेश प्रवक्ते गणेशदादा हाके पाटील,माजी सभापती शिवानंद हेंगणे,महेश बँकेचे उपाध्यक्ष निवृत्ती कांबळे,माजी जि.प.सदस्य माधव जाधव,तानाजी राजे,गोपीनाथ जोंधळे अनिल वाडकर आणि शिरुर ताजबंदचे उपसरपंच सुरज भैय्या पाटील हे मंचावर उपस्थित होते.
याप्रसंगी आमदार बाबासाहेब पाटील पत्रकारांशी बोलताना म्हणाले की,आचार्य बाळशास्त्री जांभेकर यांच्या काळातील पत्रकारीता ही वेगळी होती आणि आताच्या काळातील पत्रकारीता वेगळ्या प्रकारची आहे त्यामुळे लोकप्रतिनिधीने बोलत असताना जपून आणि मोजक्या शब्दात बोलले पाहिजे नाहीतर दुसऱ्या दिवशी वर्तमान पत्रात बातमी लागली असे समजा.चाकूर-अहमदपूर तालुक्यातील पत्रकार हे निःपक्षपाती काम करतात असे पाटील यांनी यावेळी सांगितले.
पत्रकारांच्या या सत्य लिखाणामुळेच खरे समाजापुढे येते म्हणून गोरगरिबांना न्याय मिळतो यामुळेच तर माझ्यासारख्या लोकप्रतिनिधीला काम करण्याची प्रेरणा मिळते असे आमदार पाटील यांनी यावेळी पत्रकारांना बोलताना सांगितले.
जाधव-पाटील परिवाराच्या वतीने घेण्यात आलेल्या पत्रकारांच्या सत्कार समारंभात चाकूर-अहमदपूर तालुक्यातील पत्रकार बांधव मोठ्या संख्येने उपस्थित होते.या कार्यक्रमाचे सूत्रसंचलन धर्मपाल सरवदे यांनी केले तर आभार प्रदर्शन सुरजभैय्या पाटील यांनी केले.